Torsdag 9. april er fireåringane i Volda sokn invitert til undretur i Volda kyrkje frå klokka 17:30-18:30. Søndag 12. april vert det utdeling av 4-årsbok under gudstenesta for små og store i Volda klokka 11. Alle er velkomne!
Under undreturen torsdag får 4-åringane bli kjende med kyrkja vår, og vi undrar oss over kva vi finn og ser på symbolikken som er i kyrkja. Dette varer omtrent 1 time.
På søndag blir det utdeling av 4-årsbok under familiegudstenesta. Gudstenesta er tilpassa borna, og alle fireåringar som deltek i gudstenesta får utdelt bok. Det blir kyrkjekaffi etter gudstenesta.