Informasjonsmøte

Vi ynskjer alle som er fødde i 2011 med foreldre velkomne til informasjonsmøte om konfirmasjon. Alle medlemmer får også brev med invitasjon i posten på folkeregistrert adresse.

Følgjande datoar er sett opp for infomøte:

Volda og Kilsfjord: 4.juni kl. 18.00-19.00 på Uppheim i Volda

Hornindal, Storfjorden, Austefjord: 10.juni kl. 18.00-19.00 i Hornindal kyrkje

Påmelding

Påmeldinga skjer på nett. Påmeldingsskjemaet er felles for alle sokna og opnar onsdag 4. juni klokka 19.00. Lenke til påmeldingsskjema vert lagt ut i forkant. Påmeldinga er open fram til 20. august. Når påmeldingsfristen går ut, byrjar vi arbeidet med å setje opp grupper og gå gjennom planen for konfirmasjonsgudstenestene i 2026. I løpet av kort tid etter fristen får alle påmelde ein e-post med oppdatert informasjon. 

Konfirmasjonsdatoar 2026

Volda: Laurdag 5. september, søndag 6. september, laurdag 12. september
Dalsfjord: Laurdag 5. september

Kilsfjord: Søndag 6. september
Hornindal: Laurdag 12. september
Austefjord: Søndag 13. september
Storfjorden: Søndag 13. september

Konfirmanttida

Oppstart

Konfirmantåret startar i oktober 2025. Alle konfirmantane i sokna i Volda møtest til felles avspark på Uppheim i Volda laurdag 18. oktober klokka 11–16. 

Presentasjonsgudstenester

I november held vi presentasjonsgudstenester i alle kyrkjene der kyrkjelyden får møte årets konfirmantar og be for dei. Til presentasjonsgudstenestene er føresette og fadrar også inviterte. Presentasjonsgudstenestene skjer etter følgjande skjema:

Volda sokn: Volda kyrkje, søndag 9. november kl. 11.00
Austefjord sokn: Austefjord kyrkje, søndag 9. november kl. 11.00
Hornindal sokn: Hornindal kyrkje, søndag 16. november kl. 11.00
Dalsfjord sokn: Dalsfjord kyrkje, søndag 16. november kl. 19.00
Kilsfjord sokn: Kilsfjord kyrkje, søndag 23. november kl. 11.00
Storfjorden sokn: Bjørke kyrkje, søndag 23. november kl. 11.00

Lysmesse

I adventstida held vi lysmesser i alle kyrkjene våre, der konfirmantane tek del. Siste undervisningssamlinga før lysmessa vil vere undervisning om gudstenesta og øving til lysmessa. I Austefjord og Storfjorden vert lysmessa kombinert med andre tiltak i kyrkjelyden. 

Austefjord sokn: Austefjord kyrkje, søndag 30. november kl. 16.00
Volda sokn: Volda kyrkje, søndag 30. november kl. 19.00
Dalsfjord sokn: Dalsfjord kyrkje, søndag 7. desember kl. 16.00
Hornindal sokn: Hornindal kyrkje, søndag 7. desember kl. 19.00
Kilsfjord sokn: Kilsfjord kyrkje, søndag 7. desember kl. 20.00
 

Undervisning

Undervisninga skjer gjennom  samlingar etter skuletid frå november til mai. Konfirmantane frå Kilsfjord deltek i undervisninga i Volda. Konfirmantane frå Austefjorden og Storfjorden har undervisning saman med Hornindals-konfirmantane i Hornindal. Alle konfirmantane vert i tillegg samla til felles undervisningsdag på Uppheim i Volda ein laurdag i vårsemesteret.

Gudstenester

I tillegg er konfirmantane med som medhjelparar eller deltakarar på ti gudstenester gjennom året. Dei har også oppgåver i trusopplæringa som leiarar for yngre born. I veka før påske deltek dei i Fasteaksjonen og er med på å samle inn pengar til Kirkens Nødhjelp.

Konfirmantleir

Torsdag 25. juni til søndag 28. juni 2026 vert konfirmantundervisninga avslutta med konfirmantleir for alle konfirmantane på Kjeldsund. Leiren vert avslutta med samtalegudsteneste der foreldre og familie er inviterte til å vere med. 

Kontakt

Kyrkjelydspedagog Martine Hjertvik Urke har ansvaret for konfirmantåret. Elles er sokneprestane med i gudstenester, i undervisning og på leir, og resten av staben og ei lang rad frivillige er med når det trengst. Kontaktinfo til kyrkjekontoret og alle våre tilsette finn de her. 

Vel møtt til konfirmantåret 2025/2026!